Spitalet në Britaninë e Madhe kanë filluar nga sot përdorimin e një ilaçi të posaçëm kundër Covid.
Autoritetet bëjnë me dije se bëhet fjalë për medikamentin “Ronapreve”, i cili u aprovua para një muaji nga Autoriteti për Ilaçet dhe Produktet Shëndetësore në Britaninë e Madhe për përdorim spitalor mbi personat që janë të shtruar në repartin intensiv apo ndaj atyre që nuk mund të krijojnë vetë anti-trupa.
“Ronapreve” është një koktail anti-trupash, të cilat ndihmojnë që organizmi i njeriut të luftojë virusin.
