Lulështrydhet kanë nisur të zënë vendin e tyre në tregun e frutave në të gjithë vendin por jo vetëm.
Ato vijnë direkt nga tokat e fermave shqiptare. Falë cilësisë së tyre natyrale, luleshtrydhet shqiptare janë më të kërkuarat në treget europiane.
Të prodhuara direkt nga fermat e Lushnjes, Fierit, Divjakës, frutat e kuqe po aq të këndshme në shije por edhe të bukura për syrin, na lajmërojnë se sezoni i tyre ka mbërritur.
Prodhimi në masë i luleshtrydheve të freskëta në Shqipëri filloi vetëm para disa vitesh. Luleshtrydhet janë shumë të kërkuara në Kosovë dhe Serbi.
Vit pas viti prodhimi i luleshtrydheve vjen duke u rritur gjithnjë e më shumë.
Të huajt i mbajnë sytë nga Shqipëria përsa i përket tregut të luleshtrydheve.
Lulështrydhet janë një investim i mënçur pasi në Shqipëri ato kanë tre muaj prodhim, ndryshe nga disa vende të tjera ku prodhimi zgjat vetëm 15 ditë.
Çdo frut i lulështrydhes vilet me dorë. Vjeljet e para janë në sasi të limituara, ato fillojnë nga 25 nëntori por prodhimi maksimal arrihet nga 15 marsi deri në 15 maj.
Por vjelja vazhdon deri në fund të qershorit. Tregu kryesor është ai lokal, kryesisht Tirana, por bëhet eksportimi i tyre jashtë vendit, në Kosovë dhe rajon.
Marrë nga AgroWeb
e.gj/Shqiptarja.com
