Tifozët e Liverpulit në Barcelonë janë filmuar duke i shtyrë vendasit në një shatërvan pas problemeve të krijuara në qytet përpara ndeshjes së parë gjysmëfinale të Ligës së Kampionëve.
Të paktën dy video janë publikuar në mediat sociale duke treguar përkrahësit që shtyjnë vendasit në një shatërvan në mes të sheshit Placa Reial.
Qindra tifozë u mblodhën në shesh të martën pasdite kur ndodhën incidentet.
Raportohet se gjashtë tifozë të Liverpulit janë arrestuar në Katalonjë.
Dy punëtorë në hotelin Placa Reial thuhet se u sulmuan dhe kërkuan kujdes mjekësor, ndërsa dy të tjerë pësuan plagë, madje njëri përfundoi me hundë të thyer, sipas Mundo Deportivo.
Gazeta spanjolle Sport njofton se tifozët hodhën objekte ndaj policisë dhe se rreth 3,000 kanaçe birrash, që do të shiteshin rreth sheshit janë konfiskuar.
Por tifozët e Liverpool kanë reaguar në mediat sociale dhe kanë thënë se policia spanjolle e ekzagjëroi situatën.
