Armando Broja është një nga lojtarët më të preferuar nga skuadrat e Premier League. 21-vjeçari është në orbitën e dy prej klubeve të njohura të futbollit anglez, emri I së cilave nuk është bërë publik.
I gjendur në këtë situatë, trajneri Graham Poter duhet të marrë patjetër një vendim.
Sipas asaj çka mediat britanike raportojnë, 47-vjeçari nuk ka ndërmend ta lërë të largohet xhevahirin e skuadrës.
Burimet kanë konfirmuar se Poter e ka në plan Brojën, ndërkohë ai po merr minutazh në mënyrë graduale. Aktualisht në Premier League Armando Broja është aktivizuar 187 minuta, madje duke gjetur rrjetën në përballjen me Ëolverhampton të fituar nga blutë e Londrës 3-0.
Ndër të tjera, sulmuesi kërkon më tepër hapësira, teksa konkurrenca në skuadër është edhe më e ashpër.
Aubameyang dhe Havertz janë dy lojtarë të cilët deri më tani e kanë bindur trajnerin, pavarësisht se ky gjermani është drejt largimit. Verën e shkuar, Broja konfirmoi qëndrimin tek Chelsea duke firmosur kontratën afatgjatë.
