E ftuar në një intervistë përballë vogëlushëve të emisionit “Në kurthin e Piter Pan”, ishte këngëtarja Çiljeta, në një intervistë ndryshe.
Bashkë me këngëtaren, në Piter Pan ishte edhe djali i saj, Fernando, i cili i drejtoi edhe një pyetje nënës së tij. E ndihmuar nga moderatorja Alketa Vejsiu, e cila i kërkoi ta pyeste të ëmën nëse do një motër ose një vëlla, Fernando e ktheu në një kërkesë “Dua një vëlla…”
“Kismet. Duke parë e duke bërë, pse jo? Gjërat janë shkruar nga Zoti. Unë e kam një mrekulli, por nëse Zoti do më bekojë me mrekulli të tjera, pse jo?” – u përgjigj Çiljeta duke buzëqeshur.
Ndërsa vogëlushët e programit, e pyetën se përse nuk është martuar.
“Nuk më lejon djali. Sa herë ikën nga shtëpia më merr me video dhe më pyet me kë jam”, – tregoi ajo.
