Koronavirusi i rrezikoi seriozisht jetën deputetit 33-vjaçar të Kuvendit të Shqipërisë Andi Përmeti. Pas një lufte të gjatë dhe të vështirë me virusin, deputeti Përmeti ka reagua për herë të parë në rrjete sociale përmes një mesazhi të mbushur plot me emocione.
Andi Përmeti ka një ndjesë dhe një falenderim në një ditë shumë kuptimplotë, 1-vjetorin e lindjes së djalit.
Me anë të një statusi në rrjetet sociale, Përmeti i kërkon ndjesë të birit që nuk mundi të jetë dot me të në këtë ditë të veçantë, duke e cilësuar atë si forca më e madhe gjatë ditëve kur ka qëndruar në reanimacion. Ai ka edhe një falenderim që iu dha mundësia që në ditët në vazhdim djali i tij Abriel të vazhdojë të jetë në krahët e tij.
“Nje ndjese dhe nje falenderim! Ndjese bir qe nuk ja dola dot te jem me ty sot per 1-vjetorin tend, pavarsisht se cdo dite ne reanimacion mendimi qe ti do ishe ne krahet e mia, me jepte force dhe guxim per te vazhduar perpara.
Por sot bir, trishtimin e te qenit larg teje ne kete dite, ma mbyt gezimi i fitimit te nje beteje qe ne nisje u konsiderua praktikisht e humbur. Nje fitore per te cilan i jam falenderues dhe mirenjohes ZOTIT, i cili me dha mundesine qe ne ditet ne vazhdim ti te jesh perhere ne krahet e mia. Gezuar Abriel. U befsh 100 vjec”, shkruan ai.
