Në Gjermani është duke u zhvilluar sot takimi në kuadër të “Procesit të Berlinit” për Ballkanin Perëndimor, me kancelarin Olaf Scholz që udhëheq samitin, teksa pranë tij qëndron Presidentja e KE, Ursula von der Leyen.
Samiti nisi në orën 09:00, por ajo çka ra në sy në nisje të takimit ishte fakti se kryeministri i Kosovës, Albin Kurti dhe Edi Rama u ulën në krah të njëri-tjetrit në tryezë dhe shkëmbyen vazhdimisht batuta.
Ndërkohë një tjetër moment i shoqëruar me doza humori dhe të qeshura ishte kur, Rama dhe Kurti thirrën prej së largu kryeministrin tjetër shqiptar që merr pjesë në takim. Nga të dy u dëgjua të thërrisnin: “O Abaz!”. Teksa Rama e Kurti qeshnin edhe nga krahu tjetër ku ishte ulur Dritan Abazoviç u prit me të qeshura thirrja e tyre.
