Pas deklaratës kërcënuese që erdhi ditën e djeshme nga presidenti i Serbisë, Aleksandër Vuçiç në adresë të Kosovës, ku flitej për gjndje lufte.
Mbrëmjen e kaluar, kryeministri Edi Rama u ndal të fliste edhe për Kosovën dhe komentoi deklaratat provokuese të Aleksandër Vuçiç. Sipas Ramës nuk ka asnjë mundësi që Kosova dhe Serbia të përfshihen në luftë.
“Për çfarë lufte flitet. Çfarë lufte provokon Vuçiç. Serbia e ka humb luftën. Kosova është një shtet i pavarur dhe demokratik.
Po, Kosova ka bërë shumë gabime në marrëdhëniet diplomatike dhe ka humbur shumë terren, por nuk ka shanse për gjëra të tjera, ata janë deklarata të kota”- tha Rama.
Në atë moment ndërhyri analisti Agron Gjekmarkaj ku e pyeti Ramën: Përse keni pasur marrëdhënie të këqija me Isa Mustafën, Ablin Kurtin dhe Ramush Haradinaj-n?
“Me këtë të parin nuk kam pasur marrëdhënie të ftohura. Me dy të tjerët po. E gjitha është se ata kanë bërë lëvizje të gabuara në diplomaci dhe këtë ja kam thënë publikisht. Kosova është prioritetim im i parë në marrëdhëniet e jashtme”- tha Rama.
