Analisti Ilir Demaliaj ka sfiduar ish-kryeministrin Sali Berisha që të paraqitet pranë Autoritetit të Dosjeve të Sigurimit dhe të marrë një certifikatë që vërteton se nuk ka qenë i privilegjuar apo bashkëpunëtor i këtij institucioni.
“Berisha të shkojë te Autoriteti i Dosjeve të Sigurimit dhe të marrë certifikatë që nuk ke qenë i privilegjuar nga Sigurimi i Shtetit, bëje këtë dhe unë do të vij të puth këmbët në mes të bulevardit. Bëje këtë zoti Berisha dhe pastroje veten nga kjo njëherë”, u shpreh Demaliaj në “News Line” në ABC News.
Ai vijoi më tej duke akuzuar Berishën për shpifje dhe sulme ndaj kundërshtarëve politikë, duke theksuar se ish-kryeministri i ka etiketuar të gjithë si kriminelë, hajdutë apo vrasës, ndërkohë që vetë është përgjegjës për ngjarje të rënda si Gërdeci.
“Ky nuk ka lënë njeri pa shpifur, pa anatemuar. Duhet t’i jepet fund kësaj kulture, njerëzit kanë familje, dhe nuk mund t’i prekesh dhe kush mostrat e sigurimit. SPAK ka bërë një veprim shumë të mirë, por ky veprim duhet të shkojë deri në fund. Të gjithë i ka bërë kriminel, hajdut , vrasës, kur vrasjet i ka ky. Ka hedhur një Gërdec në erë, djali i këtij…”, tha ndër të tjera Demalia.
