Albert Veliu, 51- vjeçari nga Vlora, i prezantuar nga kreu i PD-së Lulzim Basha, si “Dëshmitari X”, është denoncuar nga disa media pëfshirë dhe Ekskluzive.al, se deklaratat e tij nuk përputhen aspak logjikisht me pretendimet të tij dhe partisë opozitare (kliko këtu për të lexuar të plotë).
Më pas nga televizioni “Report Tv”, është publikuar dhe dosja penale e dënimit të tij në Itali (kliko këtu për të lexuar të plotë) ku shkruhet:
Albert Veliu nuk është arrestuar më 2005, por, sipas dosjes italiane të tij, ai u arrestua në Peskara më 24 mars 2009 nga Policia, në bazë të një urdhërarresti. Nuk u arrestua për trafikimin e 12 kilogramëve kokainë, por për trafikimin e 10 kilogramëve heroinë dhe një pistolete. Heroina u zbulua në vitin 2008 dhe ai u arrestua pas një viti sëbashku me 15 bashkëfajtorë të tjerë.
Në atë dosje nuk u përmend asnjëherë emri i Agron Xhafës. Nga ana tjetër, vetë Albert Veliu thotë se ka punuar në “grupin e Agron Xhafës” nga viti 2000 deri më 2002, ndërkohë që nga viti 2002 deri më 2009, kur, si Xhafa, ashtu edhe Veliu, kanë qenë në Shqipëri, duket se nuk kanë patur më asnjë kontakt, thotë materiali i siguruar nga Report Tv.
Praktikisht, Veliu nuk është treguar aspak i sinqertë në deklaratat e tij, duke ngjallur dyshime në vërtetësin e tyre, të cilat nëse provohen nga organi akuzës si të pavërteta, 51 vjeçari rrezikon të dënohet me burg, edhe jo pak vite! Ja neni për kallzim të rremë:
Neni 305 – Kallzimi i rremë
Kallzimi për kryerjen e një krimi që dihet se nuk është kryer ose për kryerjen e një krimi nga një person që dihet se nuk e ka kryer atë, si edhe, krijimi i provave të rreme me qëllim që të bëhen ndjekje penale, dënohen me gjobë ose me burgim gjer në pesë vjet./Ekskluzive.al
