Prokurori që kërkoi në vitin 2012 mbylljen e Ilir Metës për dy vjet në një qeli, ka kaluar sot Vetingun. Komisioni i Vetingut sapo ka vendosur që prokurori Bujar Sheshi të shërbejnë në drejtësi dhe t’i bëhet paga rreth 3 mijë USD, pasi përmbush të tre kriteret. Me këtë vendim, Komisioni i Vetingut hedh poshtë të gjitha akuzat e Ilir Metës në vittet 2011 dhe 2012 se prokuroria po përdorej politikisht, për të fituar në burg, pasi u kap me bllokuan e pazarit në dorë, në zyrën e Dritan Priftit.
Në vendimin e komisionit thuhet: “Komisioni i Pavarur i Kualifikimit njofton se, pas shqyrtimit të dokumentacionit dhe zhvillimit të seancës dëgjimore më datë 23.10.2018 për subjektin e rivlerësimit, z. Bujar Sheshi, bazuar në ligjin nr. 84/2016, sot, më datë 24.10.2018 vendosi: Konfirmimin në detyrë të subjektit të rivlerësimit, Bujar Sheshi, prokuror pranë Prokurorisë së Apelit për Krime të Rënda. Vendimi i arsyetuar me shkrim nga trupa gjykuese e kryesuar nga znj. Pamela Qirko, znj. Genta Tafa Bungo relatore, znj. Xhensila Pine anëtare, do t’u njoftohet subjektit të rivlerësimit, komisionerëve publikë dhe vëzhguesve ndërkombëtarë brenda 30 ditëve.
Ky vendim mund të ankimohet pranë Kolegjit të Posaçëm të Apelimit nga subjekti i rivlerësimit dhe/ose Komisioneri Publik 15 ditë nga data e njoftimit të vendimit të Komisionit. Ankimi depozitohet pranë Komisionit të Pavarur të Kualifikimit”.
Xhahilët e Diktaturës dhe Vetingu.
Si ka mundësi që Komisioni i Vetingut të rizgjedhë Bujar Sheshin në sektorin e Prokurorisë së Apelit, nëse është ai Bujar Sheshi që i sherbeu Prokurorisë të Rrethit Tiranë në Regjimin Komunist të Ramiz Alisë.
Nëse është kështu, atëherë Demokracia e brishtë Shqiptare ngelet përsëri plotësisht vegël e kukullave të Ramiz Alisë dhe e bijëve të atyre që korruptuan e shpërfytyruan Demokracinë gjatë këtyre 28 vjetëve, sistemin e drejtësisë dhe ekonominë në Shqipëri.
Me rizvendosjen e Bujar Sheshit, Ylli Bashës e Co. në Prokurorinë Shqiptare apo atë të Apelit, krimi dhe korrupsioni nuk do të zhduken por Ai do të bëhet gardian besnik i Berishës, Bashës, Ramës, Metës dhe të gjithë “Ish Pionerëve të Enver Hoxhës”
Këta Prokurorë i shërbyen Makinës së Propagandës të Regjimit të Kaluar, duke krijuar “Grupe rmiqësore” të paqena, që i shfrytëzuan me vonë si vegla të propagandës së diktaturës për të shtypur fjalën e lirë që populli të mbyllte gojën, mos fliste kundër diktaturës dhe regjimit të Ramiz Alisë.
Ndër grupet armiqësore, ata shpikën “Grupin e Tregëtisë” me Kujtim Ismailin dhe dënuan njerëz të pafajshëm, nga 8, 10, dhe 13 vjet burg, të cilët i dënuan me akuza qesharake të fabrikuara për “shitje ambalazhi” të ish Fabrikës së Qumështit të Tiranë, në ish Ndërmarjen e Tregëtisë & Ushqimore e anasjelltas.
Arkat e ambalazhit prej druri, në atë kohë, as nuk mund shiteshin por as nuk mund të bliheshin, sepse ata ishin pronë shtetërore dhe përdoreshin vetëm si vlerë kleringu, njësi për të njehsuar financat ndërmjet ndërmarrjeve shtetërore.
Në rrugë private nuk kishte asnjë mundësi shitjeje, blerje apo përdorimi të tyre, veçanërisht në një qytet siç ishte Tirana e viteve 80-90-ta.
Prokuroria e asaj kohe ishte e lokalizuar tek rruga Mine Peza, ish Lagjia e Brakës.
Prokurosiae Tiranës ishte vegla e bindur the në e egër e regjimit Kommunist sëbashku me Sigurimit Famëkeq që përdorej për të dhunuar lirinë e njerëzve, për ti burgosur ata.
Në këtë mënyre ky mekanizëm famëkeq i diktaturës vrau jetë njerëzish, vrau rininë e vendit i përdorni ata si shembull publik, që populli të rrinte urtë, që të bindesh symbyllur regjimit të Hoxhës, që në atë kohë drejtohej nga Alia.
Referencë: Lexoni në gazetat “Bashkimi” të viteve 1985- 1986-87, e cila në atë kohë ishte Organ I Frontit Demokratik të Shqipërisë dhe subjekt i drejtëpërdrejtë i z. Nexhmije Hoxha.