Kryetarja e Lëvizjes Socialiste për Integrim Monika Kryemadhi i ka bërë thirrje shqiptarëve që të ngrihen në protestë për të rrëzuar kryeministrin Edi Rama.
Gjatë fjalës që mbajti me Komitetin Drejtues Kombëtar të LSI-së, Kryemadhi tha se nuk do dalim në protestë se nuk ju dha fjala në Kuvend, por shqiptarët kanë disa arsye sipas saj për të rrëzuar Ramën.
Kryetarja e LSI-së tha se të rrëzosh dhe të largosh këtë kryeministër është të krijosh shanse të barabarta për të gjithë shqiptarët.
“Jemi të vendosur për të kthyer Shqipërinë në shtëpinë e shqiptarëve.
Do e vendosim aksionin politik aty ku duhet dhe t’u kthejmë dinjitetin shqiptarëve.
Komisionieri Hahn kërkon hapur dhe ka nxjerrë kush është problemi i zvarritjes së dialogut politik dhe i reformave në Shqipëri dhe i kërkoi hapur Ramës.
LSI është flakur për të mos e thënë e përdorur dhe ka shërbyer si një vegël për të kapur strukturat e shtetit për t’i shërbyer një sekti kriminal.
Dua që të bëj një sqarim të thjeshtë për sa i përket anëtarëve të komiteti drejtues nga qarqe jashtë Tiranës, nuk ka më pritje, bëhuni gati për revolucion, protesta, revolta koncerte, çfarë të doni ju. Nuk ka më kohë për të pritur”, deklaroi Kryemadhi.
