Tashmë është zyrtare se dy shqiptare njëra nga Kosova e tjetra nga Shqipëria, janë të nominuara për çmimin prestigjioz Grammy si Artisti/ja më e Mirë e Re.
Janë Dua Lipa dhe Bebe Rexha, ato që janë renditur në mesin e tetë artistëve që janë nominuar në këtë kategori.
Ndërsa sa i përket zërave se kush do ta fitojë këtë çmim prestigjioz, gjasat më të mëdha sipas shkrimit të fundit në Forbes nga kritiku i muzikës Hugh Mclntyrem janë për kosovaren Dua Lipa, shkruan Insajderi.
“Dua është ylli më i ri i globit”, thuhet ndër të tjera në shkrimin e Forbes, ndërsa ky çmim do t’i siguronte një të ardhme të sigurt ndërsa do i shtonte edhe më shumë presionin për një çmim tjetër Grammy.
Çmimet prestigjioze Grammy, mbahen më 10 shkurt ndërsa Dua Lipa është e nominuar në dy kategori që janë: “Artistja më e mirë e re” dhe “Kënga më e mirë e zhanrit Dance”. / KultPlus.com
https://youtu.be/iwM8tDSmmUY
