Kryeministri Edi Rama po zhvillon një konferencë me kryeministrin e Holandës, Mark Rutte. Gjatë fjalës së tij, Rama tha se Rutte iu deshën të fitonte 4 palë zgjedhje që të vinte në Tiranë.
Rama në fjalën e tij u shpreh i entuziazmuar edhe për pritjen e kryeministrit të Hollandës.
“Kemi folur edhe për mundësinë që unë kam kërkuar nga kryeministri që Hollanda të mbështesë një përafrim më të shpejtë të universiteteve tona me ato të Bashkimit Europian.
Ashtu sic kemi folur edhe për një qasje më të madhe për të rinjtë në zona provinciale. Kemi folur edhe për momentin ku jemi. E dimë se të gjithë janë gati për t’u ulur në konferencën e parë ndërqeveitare me Shqipërinë dhe Maqedoninë e Veriut por duhet zgjidhur ngërçi me veton e Bullgarisë.
Mark ky është një vend që ka shumë ndjekës dhe tifozë të kombëtares hollandeze, po të shohim edhe rrugët që janë mbushur me flamuj të Hollandës, kështu që duket sikur më në fund e fituat edhe kupën e botës këtu në Tiranë të paktën”, u shpreh kryeministri i vendit.
