Vizita e Altin Dumanit në SHBA ka një tjetër histori. ftesa e vetme për atë dhe gruan e tij nuk ka asnjë lidhje me DASH ku në fakt u prit në një takm informal nga një zyrtar pas orarit të punës që mbulon edhe çështjet e Shqipërisë dhe këtë event familjar ka tentuar ta shesi si ftesë nga DASH, për të krijuar një opinion të rremë për rëndësinë që i gjoja i jep Amerika këtij kryeprokurori provizor, që është në ditët e fundit të mandatiti të tij si drejtuesi i SPAK.
Dumani është pritur në zyrën për Ballkanin në Departamentin e Shtetit, në zonën e plotë jo formale. Që do të thotë jashtë orarit zyrtar që është një sinjal i qartë protokollar. Që do të thotë, se kemi hyrë në periudhën ku zhvillohen takime për një çaj, për një kafe, apo për një diskutim ashtu kot, në përgjithësi.
Pra logjika e një axhende misterioze, ishte më pak dramatike. Altin Dumani, siç mësohet nga kanale diplomatike, kur ka bërë të ditur arsyen e vizitës, ngase është personazh publik që përfiton edhe eskortë zyrtare, ka informuar autoritetet amerikane.
Të cilët, krejt natyrshëm, kanë përfituar nga ky rast që zyrtari më i ri në DASH, në Byronë për Çështje Europiane dhe Euroaziatike, Brendan Hanrahan, të takojë një nga zyrtarët më të rëndësishëm të momentit në Shqipëri siç është kreu i SPAK.
Një rast, natyrisht për shkëmbim mendimesh, për diskutime mbi institucionin e SPAK, të cilin SHBA e ka mbështetur ndër vite.
Ai ka qenë i ftuar në dasëm dhe është pritur me një ceremoni speciale nga baxhanaku i tij bashkë me gruan dhe këto po i ilustrojmë me video dhe foto
Pastori i ka bërë një pritje të veçantë me tupan, me rastin e martesës së vajzës së tij. Edhe pse kunati është nga Zagoria, ka porositur një muzikë speciale karakteristike dibrane për të respektuar baxhanakun e tij, duke i dhënë kështu vizitës në SHBA një kulm të ri.
Asnjë rrjesht nga DASH për takimin e Dumanit me nëpunësin për Çështje Europiane dhe Euroaziatike, Brendan Hanrahan ku një nga drejtuesit e këtij departament është edhe Yuri Kim e cila ndoshta duke mos patur mundësi ta takonte Dumanin ka dërguar Hanrahan.
Pastori Pango, i cili prej vitesh jeton në New Jersey, ka një lidhje të fortë me Dumanin jo vetëm si kunat, por edhe si besimtar ungjillor.
