Vijojnë replikat në distancë mes presidentit të Kosovës Hashim Thaçi dhe kryeministrit në detyrë Albin Kurti. Ky i fundi i ka kërkuar një përballje në një debat televiziv, ndërsa nuk ka munguar as përgjigja e Thaçit. I pyetur sot nga gazetarët nëse do të ishte i gatshëm të përballet me Kurtin në debat televiziv, kreu i shtetit ka deklaruar se debatet i kam zhvilluar 20 vite përballë oponentëve politikë dhe rezultatet dihen.
‘Jam president i vendit. Debatet i kam zhvilluar 20 vite përballë oponentëve politikë dhe rezultatet dihen.
Të gjitha kanë qenë humbje spektakolare për zotërinë (Kurtin)’, tha Thaçi.
Kujtojmë që Thaçi sot ka njoftuar se ka dekretuar Avdulla Hotin si kandidat për kryeministër të Kosovës.
