Biznesmenia e njohur shqiptare, Vilma Nushi, ka rezultuar pozitive me koronavirus dhe prej disa ditësh ishte e shtruar në spitalin Infektiv, në Tiranë. Sipas burimeve, mësohet se gjendja e saj është përkeqësuar gjatë natës, ç’ka është menduar transportimi i saj drejt një vendi të BE-së.
Nushi, fituesja e koncesionit të Check-up, që pretendon se bën kontrollin e shëndetit të shqiptarëve, nuk i ka besuar aspak mjekëve shqiptar dhe ka fluturuar drejt një vendi të BE-së, përmes një avioni për shërbime mjekësore.
Miliarderja shqiptare dhe biznesmenia e suksesshme, edhe pse fiton miliona euro nga qeveria Rama përmes “check-up” aq shumë të debatuar, zgjedh të kurohet jashtë Shqipërisë, duke dëshmuar se në çfarë gjendje ndodhet shëndetësia në këtë vend.
Në të njëjtën kohë, sipas një urdhëri, në dijeninë tonë, të gjitha fluturimet drejt BE-së janë të ndaluara. Pra, nëse infektohesh në vendin tënd, në vendin tënd do të trajtohesh nga stafi mjekësor. Me sa duket, ky rregull bënka përjashtim dhe nuk qenka njësoj për të gjithë.
Në Shqipëri, ndryshe nga e gjithë bota ku të gjithë janë njësoj, koronavirusi na qenka sëmundja e të varfërve, ose më saktë e atyre që nuk kanë mundësi të zgjedhin!
Gjithsesi, i urojmë shërim të shpejtë znj. Nushi, sepse qëillimi i shkrimit nuk ka lidhje për të denigruar figurën e saj, po për të treguar fytyrën e shtetit, i cili qytetarët e saj i trajton një të nënës dhe një të njerkës./ekskluzive.al
