Historitë e ndryshme dhe të çuditshme të yjeve të famshëm gjithmonë arrijnë të tërheqin një vëmendje shumë të madhe, e tillë është edhe kjo e futbollistit të njohur Cristiano Ronaldo. Ai është përpjekur të shesë Porsche Carrera-n e tij me vlerë rreth 70,000 euro për gjysmën e çmimit… në këmbim të përpjekjes për të takuar një personazh të famshëm.
Ndodhi në vitin 2009 kur i riu Cristiano ishte në sezonin e tij të fundit në skuadrën e Manchester United para se të nënshkruante për Real Madridin. Sulmuesi portugez ishte duke parë programin televiziv “X Factor” kur ra në dashuri me këngëtaren Kimberly Wyatt të “Pussycat Dolls”, grup që ajo e formoi së bashku me Jessica Sutta, Carmit Bachar, mediat Nicole Scherzinger, Melody Thornton dhe Ashley Roberts. Rod Thornley, një ish-masazhist i Manchester United ka treguar për The Sun se:
Cristiano Ronaldo më thotë teksa po shikonim X Factor: “Kush është kjo vajzë?” Ajo ishte Kimberly Wyatt nga Pussycat Dolls. Ai më tha: “A mund të më japësh numrin e saj?” Ishin në mars ose prill dhe Cristiano Ronaldo do të shkonte tek Real Madrid.
Të gjithë e dinim se ai do të shkonte në fund të sezonit. Kështu vazhdova të mendoja dhe thashë me vete… “Çfarë marr nga kjo. Po marr numrat e vajzave kudo dhe nuk marr asgjë nga këto.” Dhe më pas Cristiano Ronaldo më tha: “Të pëlqen makina ime? Kur të shkoj në Real Madrid, do ta shes me gjysmë çmimi”.
“Më deshën rreth dhjetë minuta për të marrë numrin e Kimberly Wyatt”, pranon ai.
Në të vërtetë, fundi i sezonit erdhi dhe unë i them Cristiano Ronaldos: “A të kujtohet marrëveshja jonë?” I dhashë 34.000 euro për një makinë gati 70.000… Të nesërmen e shita 70.000 euro! Fjalë për fjalë e pata vetëm një natë, shkova në shtëpinë e tij, e mora, bëra transfertën dhe e shita. Gjatë verës kalova një pushim të mrekullueshëm në Maldive”
Ai nuk tha nëse Cristiano Ronaldo më në fund arriti të takonte Kimberly Wyatt apo jo.
