Tomas Strakosha pranoi të bëhej pjesë e Brentfordit me synimin e vetëm për të marrë vendin e titullarit në portë. Por nëse të gjithë prisnin ta shihnin mes shtyllave, ndeshjet e fundit portieri shqiptar nuk u pa as në stol. Përgjigjen për mungesën e tij në pankinë e jep vetë trajneri i klubit anglez.
Frank ka zbuluar se Strakosha do të qendrojë jashtë fushave për 2 javë për një arsye të çuditshme. Trajneri ka thënë se gardiani kuqezi ka pritur në mënyrë të pabesueshme një penallti në stërvitje, por në fund pësoi një dëmtim të ligamentit të kyçit.
“Ai bëri një pritje të pabesueshme penalltije dhe ishte shumë fatkeq të dëmtohej, duke pësuar një lëndim të ligamentit të kyçit në stërvitje. Kështu që ai do të qendrojë jashtë për dy javë”, ka thënë Thomas Frank.
