Arben Duka
Lulëzim Bashës
Histori që shkrove,
zoti Kryetar,
nga humbja-në humbje,
po marshon krenar!
Sali Berishës
Nëse marrëzinë,
një ditë do studioni,
Sali Ramë Berisha,
do jetë etaloni!
Edi Ramës
Votat e Sovranit,
për ty kurrë s’u sosën,
Luli me Monikën,
nga kjo u marrosën!
Gramoz Ruçit
Ty një emër mali,
nuk të vunë më kot,
se si mal në këmbë,
të kemi dhe sot!
Monika Kryemadhit
Këtu-asnjëherë,
ti nuk do harrohesh,
si Zonja me Çizme,
gjithmonë do kujtohesh!
Albana Vokshit
Të gjithë të dinim,
një gocë Tirane,
po tamam-tamam,
je një telebane!
Petrit Vasilit
Ti një rol berberi,
po lot me Të Gjatin,
ndaj duhet të bësh,
kujdes me hallatin!
Strazimirit
Që t’i bësh tamam,
ato kërcënime,
ke ende nevojë,
për modifikime!
Agron Dukës
Ka dhe që të shajnë,
po të shajnë kot,
sepse qelibar,
ke mbetur dhe sot!
Palokës
Këtu-dhe më trimit,
keq i zien koka,
kur si derr i egër,
kërcënon Paloka!
Flamur Nokës
Se si ti Partia,
s’ka një tjetër djalë,
po nga shpellë e errët,
ende nuk ke dalë!
Nard Ndokës
Dhe ke mbetur ti,
një çudi vërtet,
gjithnjë pa parti,
gjithnjë deputet!
Luan Ramës
Të mori në qafë,
kjo kohë e pistë,
ishe partizan,
u bëre ballist!
Fatmir Xhafës
Nga ne je i vlerësuar,
burrë i ditur me talent,
sepse vetëm për Reformën,
meriton një monument!
