Denis Dyrnjaja thotë se Ervin Salianji është një spekulator politik që mori dënimin që meritonte.
Sipas Dyrnjasë është e gabuar që anëtarët e PD-së heroizojnë këtë njeri pasi një ditë vetë ata mund të bien viktima.
‘E kanë ditur të gjithë që kjo është një fiasco politike. Kanë qenë 3 personazhe që e kanë ditur këtë gjë, Enkelejd Alibeaj, Gazment Bardhi dhe Ervin Salianji. Dy të parët u tërhoqën se e kuptuan që ishte një gafë po ta vazhdonin dhe këtë flamur e vazhdoi me kokëfortësi dhe me idenë që do të prodhonte atë efekt që do të rrëzonte qeverinë dhe pastaj do t’i prodhonte një kredo të madhe politike, Ervin Salianji.
Në fakt nuk mori kredon politike, mori atë që i takonte për shkak të inskenimit që bëri. Kjo i takon çështjes Babale. Për çështje që shkoi në burg vëllai i Fatmit Xhafajt, ka meritën e vet nëse e ka trumbetuar ky, por nuk besoj se e ka bërë se ka që nga vitit 2001 që dihet që Geron Xhafaj kishte këtë penalitet në Itali. Që e përkthejnë tani si kredit politik, le ta bëjnë se ne thamë që lejohen spekulimet.
Por që Ervin Salianji është një spekulator politik dhe që ka inskenuar një gjë që s’është e vërtetë dhe anëtarët e PD-së duhet të jenë të parët që të distancohen sepse mund të jenë viktima vetë të kësaj gjëje, dhe nuk duhet ta mbrojnë por të distancohen”, tha ai.
