Pas pak në orën 18:00, Juventusi do të përballet me Wydad në sfidën e vlefshme për Botërorin e Klubeve. Në rast të një fitoreje, bardhezinjtë do të kualifikoheshin menjëherë në raundin e 1/8-ve.
Përveçse do të kualifikohej në raundin tjetër, Juventusi do të mbushte arkat në rast se fiton ndaj Wydadit. Siç raportojnë mediat italiane, triumfi i mundshëm ndaj ekipit maroken do t’i jepte bardhezinjve 30 milionë euro.
Të njëjtën shifër si më lart kërkon dhe Porto për të shitur përfundimisht Francisco Conceicaon në Torino. Ndërsa vetëm pjesëmarrja në Kupën e Botës për Klube, i ka dhënë Juventusit 17 milionë euro.
