Kanadaja do lejojë vazhdimin e procesit të ekstradimit të shefes së financave të Huawei, Meng Wanzhou.
SHBA kërkon që Wanzhou të gjykohet mbi akuzat ndaj saj, përfshirë mashtrimin lidhur me shkeljen e pretenduar të sanksioneve mbi Iranin.
Meng u arrestua në Kanada në dhjetor me urdhër të SHBA.
Ambasada kineze në Ottawa tha se ishte e pakënaqur me vendimin.
Ata e konsideruan arrestimin e saj si “persekutimin politik” dhe kërkuan lirimin e shefes së financave.
Arrestimi i saj ka sjellë tensione mes Kinës, SHBA-ve dhe Kanadasë.
Autoritetet amerikane paraqitën në janar dhjetra akuza kundër Huaëei, krijuesit të dytë më të madh në botë të telefonave, dhe Meng, së bashku me një kërkesë zyrtare për ekstradimin e saj.
Akuzat e paraqitura përfshijnë mashtrimin e bankave, pengimin e drejtësisë dhe vjedhjen e teknologjisë.
Huaëei dhe Meng Meng kanë mohuar të gjitha akuzat.
Departamenti i Drejtësisë së Kanadasë do vendosë deri të premten nëse çështja e ekstradimit do të vazhdojë në gjykatat kanadeze.
