Ish ministrja e Integrimit, sot në postin e Sekretares së Përgjithshme të Këshillit të Bashkëpunimit Rajonal, Majlinda Bregu ka njoftuar përmes një postimi në rrjetet sociale se në zyrën e Këshillit për Bashkëpunim Rajonal në Bruksel është negociuar marrëveshja e re Roaming për uljen e tarifave për vendet e rajonit.
“Emri i lojës – Bridh si ne shtëpi! #Fol si n’shpi i lodhur duke fikur ‘data transfer’ sa herë që arrin në kufi? Ju kapin të dridhurat ndërsa hapni faturën, duke e ditur që keni qenë jashtë vendit muajin e kaluar?
Jeni të etur për të komunikuar më shpejt, por më lirë?
Kështu jemi edhe ne – dhe po bëjmë të mundur që kjo të ndodhë
Marrëveshja e Re Rajonale Roaming, për të përfshirë të gjitha vendet e Ballkanit Perëndimor, që të çojë në 0 — kostot e roamingut në korrik 2021!
#Qytetarët e Ballkanit Perëndimor meritojnë të ‘bredhin si në shtëpi’, ashtu siç bën BE. Fillimisht ne arrijmë reduktimin e tarifave roaming për vendet e Ballkanit Perëndimor, dhe pastaj ecim më tej.
Në të njëjtën kohë, çmimet ndryshojnë! Qëndroni të sintonizuar”, shkruan Majlinda Bregu në Instagram.
Marrëveshje e re Roaming për Ballkanin Perëndimor synon fillimin e zbatimit të saj prej korrik 2019 me tarifa të reduktuara, për të arritur më pas në kosto zero të roaming në vitin 2021.
