Shqipëria është zyrtarisht e kualifikuar në Euro 2024. Festa kuqezi pushton çdo cep të botës ku flitet shqip, falë Kombëtares shqiptare që mori pikën e nevojshme përballë Moldavisë. Heronjtë kuqezi do të rikthehen këtë mbrëmje në atdhe dhe pritja sigurisht do të jetë e zjarrtë.
Pas ndeshjes me Ishujt Faroe ku do të synohet fitorja për vendin e parë në grup, FSHF do të organizojë një festë të madhe ku mijëra tifozë do t’i bashkohen lojtarëve kuqezi për të festuar këtë sukses historik.
Newsport.al zbulon edhe bluzen e cila do të jetë simboli i kësaj feste. Një fanellë e kuqe me trofeun e Gjermani Euro 2024 dhe shkrimin “Po ku ka si ti o Shqipëria ime”.
