Shqipëria mori mbrëmjen e djeshme humbjen e dytë radhazi në Ligën e Kombeve, duke u mundur me rezultatin 2-0 ndaj Çekisë.
Një humbje që solli mjaft kritika nga opinioni sportiv ndaj një ekipi që ishte inekzistent në fushën e lojës.
Për të shmangur kritikat pas çdo humbjeje faqja e FSHF-së në rrjetet sociale ka censuruar tifozët.
Në faqen zyrtare të Federatës, tifozët nuk kanë të drejtë të shprehin mendimin e tyre pasi komentet janë të bllokuara.
Me këtë manovër mesa duket FSHF dhe Duka kërkojnë të shmangin komentet negative ndaj tyre prej tifozëve që dje dhe sot kanë qenë të irrituar me performancën e kombëtares, ndërsa ndaj kreut të FSHF-së kanë mllefin e organizimit të përbashkët me Serbinë të Euro 2027 për përfaqësuesit U-21.
