Televizioni informativ Abc News ka ndërruar pronar. Aksioneri kryesor, Aleksandër Frangaj ka shitur aksionet për shumën 600 mijë euro te kompania A.B.C. MANAGEMENT sipas të dhënave të publikuara në Qendrën Kombëtare të Biznesit.
Blerësi i Abc News është një kompani e re të tërësisht e panjohur, e regjistruar në Shqipëri, nën pronësinë e shtetases greke Efthymia Gkouma. Nuk dihet nëse blerësi i vëretë është Znj. Gkouma apo pas saj qëndron ndonjë biznesmen tjetër shqiptare. Në media është përfolur se interes për blerjen e aksioneve të televizionit ka pasur një prej spitaleve private në vend.
Sipas kontratës së shitjes, blerësi përveç vlerës së akisoneve duhet të paguajë edhe rreth 1.4 milionë euro të tjera për detyrime të ndryshme që televizioni Abc News ka pasur ndaj furnitorëve ose detyrime qiraje.
Abc News zotëron 2.9% të tregut, ndërsa gjatë vitit 2018 shënoi një rënie në masën 30% të të ardhurave.
