Pandeli Pasko Kuteli është djali i shkrimtarit të njohur shqiptar, Mitrush Kuteli. Ai është me profesion agronom dhe ka zhvilluar karrierën e tij. Ndonëse jeton në Itali, vjen herë pas here në Shqipëri, ku kontribuon dhe për bujqësinë.
I ftuar në “ABC e Mëngjesit”, Kuteli foli lidhur me këtë fushë dhe se çfarë duhet të bëjë Shqipëria për ta zhvilluar më tej këtë fushë.
“Unë jam agronom, bujk. Unë vazhdimisht kam ardhur në Shqipëri për projekte me bujqësinë. Të paktën një herë në tre javë kam ardhur nga Roma.
Përpara dy javësh është mbajtur një panair në Lushnje dhe kishte edhe specialist zvicerian si ta ndihmojmë Shqipërinë. Aty propozova dhe një ide lidhur me ligjin që është vendosur. Edhe thash a mund ta ndërrojmë, është momenti për ndryshim.
Po qe se qartësohet prona, do të shpetojmë edhe nga ajo fjala që do të thotë koperativë”, u shpreh ndër të tjera ai.
Më tej, Pandeli Pasko Kuteli foli dhe për babai e tij, rolin në Bankën e Shqipërisë dhe punën si përkthyes e shkrimtar.
“Nuk ka qenë guvernator Kuteli, po ka qenë konsulent i bankës. Nuk lejoi përdorimin e markës. Në librat e ekonomisë që i vinin për të përkthyer se ka qenë shumë aktiv babai, i vinin shumë njerëz ndryshe nga çfarë thuhet, kishte shumë energji, përmes tyre ai ka treguar karakterin e tyre.
Nga një informacion që kam pasur, babai se ç’kishte fshehur disa arë në një dhomë të mbyllur që e kishte ndërtuar në bankë. E kishte ndërtuar vetë me disa persona nga Mokra. Kjo është hera e parë që e them”, tha ai.
