Ngjarja e rëndë e ndodhur ditën e sotme në aeroportin “Nënë Tereza, ku njerëz të armatosur e të maskuar grabitën rreth 2 milion euro, ka bërë jehonë edhe në mediat e huaja.
Ngjarja ka marrë edhe vëmendjen e prestigjiozes “Reuter”, të cilët kanë përshkruar ndodhinë e ngjarjes, ndërsa shkruajnë se një nga personat e përfshirë në grabitje u vra nga policia gjatë një shkëmbi zjarri me policinë.
Media italiane “IlFattoQuotidiano”, shkruan se një grup i armatosur grabitësish vodhën 10 milion euro në aeroportin “Nënë Tereza”. Referuar lajmeve të mediave shqiptare shkruan se grabitësit mbërritën në aeroport me një makinë të rreme policie, e më pas i janë afruar avionit me 160 pasagjerë i cili do të fluturonte për në Vienë.
Një tjetër portal italian, “avionneës”e ka cilësuar grabitjen spektakolare, ndërsa shkruan se një grup personash hynë në parkingun e aeroportit duke iu afruar më pas avionit ku dhe arritën të merrnin 10 milion euro, para të cilat vijon portali, duhej të dërgoheshin jashtë vendit.
“Shqipëri, vidhen 10 milion euro në Tiranë, vritet një nga kriminelët”, shkruan agjencia NOVA.
Ndërsa “Corriere.it” shkruan se bilanci i ngjarjes së sotme të ndodhur në Tiranë, është një i vdekur dhe 10 milion euro të zhdukur, në një vjedhje të rëndë të ndodhur në një avion plot me pasagjerë”, i cili pritej të fluturonte drejt Vienës.
