Mbrojtja Civile në Rripin e Gazës, e sunduar nga Hamasi, njoftoi sot vdekjen e 68 personave të vrarë nga zjarri izraelit në sulme të ndara, përfshirë 56 persona që prisnin shpërndarjen e ndihmës ushqimore.
Sipas zëdhënësit të Mbrojtjes Civile, Mahmoud Bassal, 30 persona u vranë nga të shtënat me armë pranë një qendre ndihme pranë qytetit jugor të Gazës, Khan Younis.
Ushtria izraelite tha se qëlloi “të shtëna paralajmëruese” ndaj një “grupi që po përparonin drejt tyre” në Korridorin Morag, por nuk raportoi viktima. Njëzet persona të tjerë u vranë dhe afërsisht 100 u plagosën nga të shtënat izraelite në Zikim, në Rripin verior të Gazës, përmes të cilit hyn një pjesë e ndihmës së autorizuar nga IDF, informon media.
Ushtria tha se po verifikon detajet e incidentit. Gjashtë persona u vranë dhe 21 u plagosën nga të shtënat me armë në qytetin qendror të Gazës, të dy ndërsa prisnin ushqim, sipas një zëdhënësi të Mbrojtjes Civile. Ushtria, nga ana e saj, siguroi se nuk hapi zjarr në Qytetin e Gazës sot.
OKB: Pasoja katastrofike nëse Izraeli pushton Gazën
Një zgjerim i luftës në Rripin e Gazës “rrezikon pasoja katastrofike për miliona palestinezë dhe mund të rrezikojë më tej jetën e pengjeve që mbeten në Gaza”, tha Miroslav Jenca, ndihmës sekretar i përgjithshëm i Kombeve të Bashkuara për Evropën, Azinë Qendrore dhe Amerikën.
Deklarata u bë në një takim të Këshillit të Sigurimit, ndërsa rritet frika se Izraeli do t’i japë dritën jeshile operacionit për pushtimin total të Rripit.
