Dy muaj më parë, pranë zyrës së tij, është dhunuar nga disa persona gazetari Gjergj Zefi nga një grup kriminal për shkak të detyrës. Si pasojë e dhunës gazetari mbeti pa ndjenja në rrugë dhe disa ditë pas ngjarjes policia arriti të kap njërin nga dhunuesit pjestarë i një grupi kriminal në Elbasan.
Sot sipas gazetarit, gjyqtarja Armela Hasantari ka liruar dhunuesin me arsyetimin se ka mungesë provash, edhe pse ka pamje filimike të personave dhe mjetit me të cilin ata udhëtonin.
I irrituar nga vendimi i gjyqtares, Zefi ka bërë një status në Facebook i zhgënjyer nga palo drejtësia, e cila sipas tij i jep revansh dhunës ndaj fjalës së lirë.
Statusi i gazetarit dhe botuesit Gjergj Zefi
Zonja Armela, fakti ishte brenda…
Kjo është Armela Hasantari, gjyqtare e gjykatës së Tiranës. Sot ajo la të lirë një nga pjestarët e grupit kriminal e burracak që më zunë pritë dhe më goditën duke dalë nga zyrat e redaksisë së gazetës ‘Pamfleti’, pasditen e 3 Tetorit. Më lanë pa ndjenja në rrugë dhe u larguan. Kamerat e sigurisë regjistruan makinën në vendngjarje, targën dhe të dhënat e saj. Pas shumë ‘mundimeve’ policia arriti të arrestonte pronarin e makinës. Njëfarë Renato Bodurri, pjestar i një grupi të rrezikshëm criminal në Elbasan.
Prokurori i Tiranës, me të drejtë kërkoi arrest me burg për të arrestuarin duke e klasifikuar veprën penale në Goditje për shkak të detyrës referuar nenit 237/5.
Ndërsa Armela, gjyqtarja e masës e la të lirë kriminelin, me argumentin: Mungesë provash! Se çfarë provash kërkon Armela, kur në vendngjarje është regjistrua makina e të pandehurit, një zot e di…
Dhe mua mu kujtua një ngjarje e ndodhur në vitet e fundit të regjimit të Hoxhës…
Një burrë kishte zënë në flagrancë gruan duke u palluar me sekretarin e Partisë. E regjistroi çështjen në Gjykatë për divorc. Por gjyqtari që mbante hapur anën e sekretarit të parties, nuk e ndante duke këmbëngulur që nuk ke fakte…
I shkreti njeri, që po i plaste buzën, iu kthye gjyqtarit dhe i tha: Çfarë kërkoni shoku gjykatës?! Fakti ishte brenda! ???
