Hannah Levintova, njëra nga bashkë-autoret e investigimit të revistës “Mother Jones” e ka quajtur absurd pretendimin e Partisë Demokratike se publikimi i raportit është paguar nga Edi Rama.
Lidhur me këto akuza, Levintova thotë për Shqiptarja.com se:
“Artikulli është kryesisht i bazuar në dokumentet e plotësuara për Mbretërinë e Bashkuar dhe të formularëve zyrtarë të lobeve në Shtetet e Bashkuara për Departamentin e Drejtësisë dhe Kongresin.
Këto dokumente janë publikuar në shkrim.
Akuzat se Mother Jones ka marrë para nga Edi Rama për ta publikuar këtë artikull janë absurde.
Ne nuk pranojmë kurrë pagesa për një investigim, në çfarëdolloj forme qofshin ato, dhe sigurisht që nuk e kemi bërë edhe në këtë rast.
Gjithashtu “Mother Jones” është një uebsjat investigativ që ka fituar çmime për investigimet e tij dhe ka një sajt me 10 milionë lexues çdo muaj.
Vitin e kaluar, ne fituam çmimin Revista e Vitit dhe Çmimin Revista Kombëtare për raportimin më të mirë, nga Shoqata Amerikane e Botueseve të Revistave në Shtetet e Bashkuara“.
Investigimi i “Mother Jones” ngrinte dyshime të forta për lidhjen e Lulzim Bashës me njerëz të afërt të Vladimir Putinit, për sa i takon lobimit të liderit të opozitës në SHBA.
