Përfundon mbledhja e parë e Këshillit Politik, pas votimit në Kuvend të marrëveshjes për reformën zgjedhore.
Në mbledhjen e sotme kanë dështuar diskutimet për një tjetër çështje të rëndësishme, atë të ndryshimeve kushtetuese, sipas deputetit socialist Damian Gjiknuri, pasi Partia Demokratike ka qenë tërësisht kundër.
Megjithatë, Gjiknuri tha se tashmë Kuvendi e ka nisur procedurën e ndryshimeve kushtetuese dhe nuk do të ndalet. Votimi në Kuvend i ndryshimeve kushtetuese për hapjen e listave dhe ndalimi e koalicioneve parazgjedhore është caktuar në seancën e 30 korrikut.
“I kerkova PD-se te mbeshtete ndryshimet kushtetuese qe do te votohen me 30 korrik, sepse demokratet duan qe ne ate parlament te vijne ata qe duan.
Ndaj i bej thirrje cdo demokrati te bashkohen e te mbeshtesin listat e hapura. Vetem keshtu do te sjellim ndryshimin ne Kuvend
Propozova që edhe në vazhdën e takimeve të vazhdojmë diskutimet për ndryshimet kushtetuese, fatkeqësisht opozita nuk pranon që kjo çështje të trajtohet në Këshill, megjithëse ndërkombëtarët kanë thënë, Kuvendi ka filluar një procedurë të ndryshimeve kushtetuese që nuk e ndalon dot.
Nuk patëm dakortësi, si duket PD nuk e dëshiron këtë, ky është qëndrimi i tyre politik. Këshilli Politik mund të ishte një forum shumë i mirë për të vazhduar këtë disktutim, megjithatë kjo është një çështje politike.
Dua të them këtë, që ne ishim të gatshëm të vazhdonim diskutimin për amendimet kushtetuese sot, opozita nuk e donte këtë,” u shpreh Gjiknuri.
