“Mund të hyjmë natën në çdo kohë”. Këto janë fjalët e Erdogan si kërcënimin ndaj Greqisë. Në fund të G20-ës në Bali, gjatë së cilës ai takoi edhe presidentin amerikan Joe Biden të akuzuar për mbështetje të Greqisë, Erdogan përsëriti linjën e Turqisë në mosmarrëveshjen në Mesdheun lindor.
“Derisa Greqia të pushojë së provokuari, do të vazhdoj të përsëris fjalët që kisha thënë: mund të arrijmë natën në çdo kohë. Fatkeqësisht në Greqi ka 2-3 emra që nuk mund të qëndrojnë të qetë dhe vazhdojnë të provokojnë. Ata nuk e dinë se kufiri i veprimeve të tyre”, tha Erdogan, i cili më pas foli për armët amerikane që qeveria e Athinës ka vendosur në Mesdheun Lindor.
Ata mund të sjellin të gjitha armët që duan, aeroplanë dhe artileri, kjo nuk do t’u bëjë asgjë, ne jemi Turqia, do t’i kthejmë në vendin e tyre”, tha Erdogan. Nëse shtohen tensionet, një nga skenarët është që forcat ushtarake turke të bllokojnë ishujt e vegjël grekë që ndodhen pranë Turqisë, me pretekstin për çmilitarizimin e anijeve luftarake. Sipas analistëve kjo do të bënte që të ndërpritej marrëdhënia dhe komunikimi mes ishujve grekë me njëri-tjetrin.
Një skenar tjetër që forcat turke mund të përdorin është edhe përdorimi i emigrantëve që kalojnë në Egje apo Mesdhe. Forcat turke mund të bëjnë ndalimin e tyre dhe duke i zhvendosur ata në ishujt shkëmborë grekë, dhe më pas në pretekstin e kërkim shpëtimit të pretendojnë edhe hapësirat territoriale duke i bërë të tyret.
Një tjetër skenar që turqit mund të përdorin për të marrë kontrollin e ishujve grekë është duke çuar anijet e shpimit në jug të Kretës pranë kufijve turko-libianë, të cilat gjithashtu pretendohen se janë në kufijtë e Greqisë. Nëse realizohet ky plan atëherë pala turke mund të instalojë forcat e veta pranë bazës detare në Misratë.
