Sot ishte dita e fundit që Kunati duhej të printonte parrullat.
Grigja më në fund i dorëzoi parrullat dhe njerëzit që duhet t’i mbanin në miting.
Parrullat fokusohen tek goditja ndaj Xhafajt dhe zhvillimeve të tjera në Shqipëri dhe rajon.
Në finale, Grigja dorëzoi këto parrulla:
Parrullën kryesore do ta mbaj Alibeaj.
Alibeaj do të jetë në krye të turmës, mbështetur nga Paloka, Muli, Strazo, Çollaku dhe Tit Vasili.
Në rresht të dytë do të jenë Enno me dy “n”, Klevesi, Salianusi dhe Kadillari.
Më pas vjen korpusi “Azem Hajdari”, që i kanë duart e zëna me molotov dhe s’do kenë parrulla.
Grigja përcaktoi dhe parrullat për secilin nga pararoja.
Alibeaj, meqë do të duket më intelektuali, do të mbajë parrullën: “Ka skandale, por ka dhe Babale”.
Kjo i shkon natyrës së juristit, që gjen argumente ligjorë kundër skandaleve.
Paloka do mbajë parrullën: “O Ed Rama o shkërdhat, na lë Babalen rehat”.
Kjo i shkon natyrës së Palokës, që njihet për gjuhë të ashpër dhe vulgare mes shokësh të fortë.
Muli do mbajë parrullën: “PD nuk do vdes kurrë, ka Babalen burrë mbi burrë”.
Kjo i shkon karakterit burrëror të Mulit dhe përvojës së tij si njeri i forcës.
Strazo do mbajë parrullën: “S’duam Lu e Vlahutin, Babalja ambasadori ynë”.
Kjo i shkon betejës së Strazos kundër ambasadorëve amerikanë dhe atyre të BE në vite.
Por parrullën më sinjifikative do ta mbajë Çollaku, që mbulon marrëdhëniet me jashtë.
Ai do mbajë një parrullë të madhe në duar, ku shkruhet: “Mbahu Gruevsk, Babalja do të presë”.
Në krah të tij, Tit Vasili do mbajë parrullën: “Ike o Gruevski ike, na mërzite LSI-në”.
Në rreshtin e dytë do të shfaqen parrullat e tjera më të egra dhe pak më vulgare.
Klevesi i Fahros do mbajë parrullën: “Edi Rama me ngadalë, se ka bërë nëna Babale”.
Në krah të tij Enno me dy “n” do mbajë parrullën: “S’duam drogë as kokainë, kemi Lulin që na prin”.
Për Salianusin ndodhi një incident.
Grigja kishte porositur një parrullë me gazetarin e Babales, por Salianusi nuk e pranoi.
Parrulla thoshte: “Edi Ramën kush e trashi, gazetar Jetmir Olldashi”
“Nuk pranoj të mbaj mbiemër Olldashi në duar, tha Salianusi. E bëj vetë parrullën time”.
Dhe vendosi të shkruajë: “Me kasetë e me Babale, Ramën do ta çojmë në hale”
-Kaseta nënkupton gazetarin, i tha Grigjës, se tani ata me kaseta punojnë.
Në rregull jemi, ja bëmë respektin.
Më e vështira qe parrulla për Kadillarin.
Pasi u mendua gjatë, Grigja vendosi dhe për atë: “Rrofta Babalja, rroftë Tur Çani, pas tyre vjen uragani”
Me kaq, Grigja e mbylli punën dhe ja dorëzoi parrullat Kunatit.(tema)
