Gruaja e Aldo Bumçit, Ilda Zhulali, ka sulmuar kryeministrin Edi Rama, pas ngjarjes së fundit me spiunët rusë.
Ajo shkruan se Rama s’duhet të merret me kundërshtarët politikë, po duhet të japë llogari para qytetarëve për këtë ngjarjen.
“Në vitin 2014 u miratua Strategjia e Re e Sigurisë Kombëtare e Republikës së Shqipërisë. Si rregull, ky dokument do të duhej të rishikohej/përditësohej pas 5 vitesh. Si rregull, ky dokument do të duhej të gjente zbatimin më të rreptë e skrupuloz, përfshirë edhe detyrimin e Kryeministrit për raportim vjetor përpara Kuvendit të Shqipërisë. Dokumenti u harrua, dhe bashkë me të edhe detyrimi për të rishikuar STRATEGJINË e sigurisë KOMBËTARE, e aq më pak detyrimi për të raportuar përpara Kuvendit.
Asgjë nuk ndryshoi as pas Samitit të NATO në Madrid, kur u miratua koncepti i ri strategjik i Aleancës. Shqipëria, vend anëtar, do të duhej të reflektonte menjëherë në strategjinë e saj të sigurisë kombëtare të gjithë elementët e rinj, përfshirë prioritetet në kushtet e mjedisit të ri të (pa)sigurisë europiane dhe rajonale të krijuar prej agresionit rus kundër Ukrainës.
Gjatë ditëve dhe javëve që pasuan 24 shkurtin, mediat kombëtare dhe ndërkombëtare u bënin jehonë mbledhjeve të shumta që zhvillonin qeveritë e vendeve europiane, dhe seancat e posaçme që ato zhvillonin në parlamentet e tyre mbi kursin e ri që do të ndiqej në politikën e brendshme dhe të jashtme të çdo vendi për t’iu përgjigjur kësaj situate. Kurse në Shqipëri, i vetmi hap u ndërmorr nga Presidenti, i cili thirri dy herë mbledhjen e Këshillit të Sigurisë Kombëtare.
Ndërsa sot opinioni publik mbetet krejtësisht i çoroditur nga dy ngjarjet që pasuan njëra tjetrën në uzinat e Gramshit dhe Poliçanit, Kryeministri mjaftohet me disa cicërima që më shumë kanë shenjestër kundërshtarin e brendshëm politik se sa vetë autorët, shtetas të vendit që NATO e ka përkufizuar si “kërcënimin më të madh të drejtpërdrejtë”, Rusinë.
Kryeministri do të duhej që të shuante ankthin e qytetarëve që qeveris, duke komunikuar si njeriu që mban përgjegjësinë më të lartë ekzekutive në vend, dhe jo si një troll mediash sociale që mund t’ia lejojë vetes edhe rolin e inspektorit Gadget.
Ajo që dihet është që Kryeministri nuk ka asnjë strategji për të përballuar çfarëdolloj situate, sikurse e dëshmoi me rastin e tërmetit, apo vjedhjes spektakolare të përsëritur në aeroportin Nënë Tereza.
Ajo që gjithashtu dihet është se shqiptarët, gjithsesi, flenë më të qetë në mbrëmje, qyshse ata i ruan Neni 5 i Traktatit të NATO”, shkruan gruaja e Aldo Bumçit dhe vajza e ish-ministrit Safet Zhulali që mbushi brekët në 97-ën dhe iku u arratis si bir kurve, kur u kthye i futi dhe nje te helmuar Sala dhe e dërgoi pas diellit.(TemA)
