Historiani i njohur, Arben Llalla, ka dhënë një tjetër lajm të rëndësishëm për shqiptarët, në një moment, kur marrëdhëniet mes Shqipërisë dhe Greqisë janë acaruar së tepërmi.
Përmes një postimi në rrjetet sociale, historiani Llalla deklaron se Shqipëria ka shpallur ‘non grata’ edhe eurodeputetin grek të partisë “Agimi i Artë’, gjeneralin Eleftheros Sinadhinos.
Ky i fundit akuzohet për aktivitetin e tij antishqiptar, ashtu si dhe grekët e tjerë apo dhe eurodeputetja Eleni Theocharous, të cilët u shpallën të padëshiruar nga shteti shqiptar, për shkak të thirrjeve antishqiptare gjatë ceremonisë së varrimit të ekstremistit të vrarë në Bularat, Kostandinos Kaçifas.
“Eurodeputeti i partisë naziste greke Agimi i Artë gjenerali Eleftheros Sinadhinos u shpall NON GRADA në Shqipëri për aktivitetet e tij antishqiptare”, shkruan historiani.
