Kelly Preston, aktorja e mirënjohur ka ndërruar dje jetë në moshën 57-vjeçare pas luftës së gjatë me kancerin në gji.
Lajmi u konfirmua në “Instagram” përmes një postimi nga bashkëshorti i saj, aktori i njohur John Travolta.Aktorja ka humbur betejën me kancerin e gjirit.
Kelly Preston u nda nga jeta mëngjesin e ditës së djeshme në moshën 57-vjeçare. Aktori konfirmoi vdekjen e saj përmes një postimi në Instagram, ku shkruan:
“Jam zemërthyer që më duhet t’ju informoj se gruaja ime e bukur e humbi betejen 2-vjeçare me kancerin e gjirit. Lufta e saj ishte kaq kurajoze dhe kishte mbështetjen e të gjithëve.
Familja ime dhe unë do të jemi përgjithmonë mirënjohës për mjekët dhe infermierët, si dhe shumë miq që kanë qenë pranë saj. Dashuria dhe jeta e Kelly do të kujtohet gjithmonë.
Unë do të jem në krah të fëmijëve të mi, që kanë humbur të ëmën, prandaj dua të më falni nëse s’do dëgjoni nga ne për disa kohë. Dua të dini që e marrim gjithë dashurinë tuaj gjatë kohës që do të na duhet për t’u shëruar.” shkruan aktori.
Prestion dhe Travolta ishin të martuar prej 28 vitesh, dhe kanë dy fëmijë, një vajzë 20-vjeçare dhe një djalë nëntë vjeç. Fëmija i tyre i parë ndërroi jetë në vitin 2009 në moshën 16-vjeçare.
Kelly Preston njihet për rolet e saj në ‘Twins’ dhe ‘Jerry Maguire’. Vdekja e saj (e diel 12 korrik) vjen pas dy viteve luftë me kancerin.
ostimi i fundit i Preston në Instagram ishte ai që festoi Ditën e Babit në Qershor.
Në përvjetorin e tyre të 28-të të dasmës vitin e kaluar Kelly e quajti Travolta “njeriun më të mrekullueshëm që njoh”, shkruan Daily Mail.
Vajza Ella shkruajti: ‘Unë kurrë nuk kam takuar askënd si kurajoz, të fortë, të bukur dhe të dashur si ju. Faleminderit per dashurine tende.
Faleminderit për ndihmën dhe faleminderit që e bëtë këtë botë një vend më të mirë. Ju e keni bërë jetën kaq të bukur dhe unë e di që do të vazhdoni ta bëni këtë gjithmonë. Te dua aq shume mamane.’
