Tomor Alizoti, një personazh delirant, që e mban veten si një i “djathtë safi”, pasi vjen nga një familje e tillë, në mënyrë të habitshme prej kohësh është kthyer në një ndër ndjekësit më besnik dhe zëdhënës i ideve të një komunisti si Sali Berisha.
Pas mbledhjes së kësaj të marte të grupit parlamentar, Alizoti u shpreh pro kërkesës së Sali Berishës për largimin e Enkelejd Alibeajt si kryetar i grupit parlamentar të PD.
Në një deklaratë për mediat, Alizoti tha se pas zgjedhjeve të 6 marsit, kreu i grupit duhet të zgjidhet nga grupi parlamentar si një akt politik dhe unifikimi.
“Kryetari i Grupit, pas zgjedhjeve të 6 marsit, duhet të zgjidhet nga grupi parlamentar si vetmi institucion legjitim. Ky është akt politik dhe unifikimi.
Ne nuk shmangim dot palët, por duhet të gjejnë një bashkim për elektoratin e tyre. Minoranca nuk mund të jetë më me shumë kapriço se maxhoranca. Nuk priten vendime nga kjo mbledhje, kanë qenë më shumë si terapi në grup”, tha ai.
Jo vetëm kaq, por edhe pse Lulzim Basha është larguar nga PD, e cila është pushtuar me dhunë nga Sali Berisha, Alizoti thotë se në PD është ende mendësia e Bashës, që sipas tij, po e shkatërron këtë parti.
“Mbledhja tregoi ndasitë që janë. Zoti Basha ka dhënë individualisht dorëheqjen, por jo mendësia e tij. Të dyja palët duhet të gjejnë një zgjidhje. Të dyja palët duhet të duan zgjidhje. PD e ka të nevojshme bashkimin. Kuvendi në 30 prill duhet të përfshijë edhe pjesën tjetër. Pati deputetë që duan bashkim.
Janë grupimet e ndara. Një luftë brenda llojit është e egër. Berisha është pjesë e historikut. Kur palët janë në konflikt duhet të gjejnë një bashkim. Bota ka teori bashkimi”, tha ai.
I pyetur nëse e situatën e rëndon më shumë mendësia “bashiste” apo “berishiste”, ai u shpreh: “Nuk mund ta them këtë. Por nuk mund të ketë më përjashtime në momentin që kryetari ka dhënë dorëheqjen.”
