Lidhjen me Partinë Demokratike e ka shfaqur hapur edhe në rrjetet sociale. I riu nga Tropoja, që ishte personazhi më aktivë në protestën e djeshme të opozitës para kryeministrisë dhe parlamentit, quhet Armando Gecaj, dhe është një 26-vjeçar nga Tropoja, ku edhe banon. Ai u arrestua pasi në protestë u shfaq me maskë, dhe nën mendimin se nuk do të identifikohej, ai ka kryer akte dhunë duke hedhur kapsollë ndaj policisë dhe duke krijuar edhe përplasje tek Parlamenti.
Shfaqet gjatë gjithë kohës me një zinxhir në dorë, me të cilin shpesh ka provokuar policinë.
Ai tashmë është në pranga, ku u arrestua në spital pasi edhe vetë ka marrë dëmtime gjatë përleshjeve në protestë, duke akuzuar se është dhunuar nga policia.
Në profilin e tij në rrjetin social ” Facebook”, duket se 26-vjeçari është mjaft aktiv në shfaqjen e aktiviteteve te tij të përditshme. Nga profili i tij konfirmohet që është simpatizant i Partisë Demokratike, ku shfaqet me një poster të kryetarit të Bashkisë së Tropojës, Besnik Dushaj, zgjedhur nga PD-ja.
Gecaj duket të jetë preferojë lëndët narkotike, sepse shumica e postimeve të tij e shfaqin teksa konsumon hashash.
Gecaj shfaqet në foto zakonisht mes miqsh nëpër lokale dhe tavolina të shtruara me mish dhe pije alkoolike, ku bie ne sy edhe simpatizimi i tij për grupin “Banda Botuesi”, drejtuar nga reperi Arikmend Lushaj, i njohur ndryshe si Stresi.
