Nënkryetari i LSI-së Petrit Vasili është infektuar me koronavirus dhe gjendet i shtruar në reanimacion në një spital privat.
Ndërkohë ish-ministrja Klajda Gjosha ka treguar në një intervistë në Report Tv se gjendja shëndetësore e Vasilit është e mirë.
Ajo ka folur edhe për infektimin e familjes së saj, duke u shprehur se e di se ç’do të thotë të prekesh nga virusi dhe kostot financiare për t’u mjekuar.
“Është në gjendje të mirë shëndetësore, është një virus që i prek të gjithë pavarësisht se kush jemi, është përhapur në masë, ka marrë përmasa të jashtëzakonshme, ndaj duhet bërë maksimumi për parandalimin e kësaj situate se nuk janë bërë testime mjaftueshme.
Jam prekur vetë në familjen time dhe e di se ca do të thotë të prekesh nga virusi dhe kostot financiare.
Masat që janë marrë mendoj që duhet të ketë një analizë të thelluar, duhet të jetë transparente, nuk jemi kundër vendimeve ët tilla, por duhet bërë me transparencë, t’i tregohet realiteti, a jemi në shifrat 500 të prekur apo kemi kaluar në mijëra, se e gjithë Shqipëria është prekur nga COVID. Maskat patjetër që mbahet.
Këtu flas që e e kam kaluar prandaj ndihem e lehtësuar, duke qenë se dhe nga ana mjekësore, trupi i njeriu fiton imunitetit”, tha Gjosha.
