Suedia është ndarë më dysh për shkak të Zlatan Ibrahimovic. Deklaratat e shtatlartit me origjinë boshnjake se kërkon një ftesë në Botërorin e Rusisë, kanë ndarë sportdahsësit në pro e kundër. Megjithatë, Ibra ka një ramr të fortë në avantazh: golat e tij, që po i shënon me skuadrën e tij të re në SHBA, Los Anxhelos Galaksi. Në fakt, sikurse shprehen mediat sportive suedeze dhe ato amerikane, mundësitë që të shohim Zlatan Ibrahimoviç në kampionatin botëror ‘Rusi 2018’, por rriten gjithnjë e më shumë. Këtë e konfirmon vetë sulmuesi shtatlartë, që nëpërmjet një Tëitteri nga llogaria e tij, ka shkruar: Mundësitë për të shkuar në Botëror, por rriten.
Ky qëndrim i sulmuesit erdhi menjëherë pas golit me vlerë 3-pikëshe që shënoi në ndeshjen mes Los Anxheles Galaksi dhe Cikago Fire. Zlatan Ibrahimoviç u tërhoq nga kombëtarja suedeze pas dëmtimit të rëndë që pësoi sezonin e kaluar, por kualifikimi në Botëror i Suedisë, bëri që të ndryshojnë skenarët. Gjithsesi, pjesëmarrja e tij në Botëror duhet të marrë edhe ‘bekimin’ e FIFA-s, që mund ta ndalojë, pasi Ibra ka shkelur Kodin e Etikës, duke pranuar të nënshkruajë kontratë sponsorizimi me një kompani bastes, dicka që nuk lejohet nga qeveria e futbollit botëror. Gjithsesi, gjërat po shkojnë në drejtimin e duhur për Ibrën, pasi ai po shënon gola me skuadrën e tij të re në Amerikë. /Pamfleti Sport
