Prokuroria e Krimeve të Rënda duhet ta marrë menjëherë të pandehur Presidentin e pazareve, i cili konsiderohet nga ndërkombëtarët si koka e krimit dhe korrupsionit në Ballkan
Presidenti i Republikës, Ilir Meta përdhunon Kushtetutën e Shqipërisë për të detyruar Edi Ramën t’i japë ndonjë koncesion apo tendër Monika Kryemadhit dhe për të marrë një garanci se nuk do të arrestohet nga Byroja Kombëtare e Hetimit.
Meta ka vendosur të shkelë Kushtetutën, duke mos respektuar afatin prej 7 ditësh për dekretimin e Sandër Lleshit për ministër të Brendshëm. Shkelja e Kushtetutës është edhe vepra më e rëndë penale.
Pas këtij akti, Prokuroria e Krimeve të Rënda duhet ta marrë menjëherë të pandehur Presidentin e pazareve, i cili konsiderohet nga ndërkombëtarët si koka e krimit dhe korrupsionit në Ballkan. Në kushtet kur mazhoranca nuk mund ta shkarkojë Metën, pasi i duhet një shumicë e cilësuar votash, organet e drejtësisë kanë detyrimin që të vihen në lëvizje për të mbrojtur Kushtetutën dhe të evitojnë destabilizimin e vendit.
Meta nuk ka asnjë problem me kandidaturën e Lleshit, por po e përdor këtë propozim për t’i bërë presion Ramës që të ndajë koncesionet me Monikën. Gjithashtu, Meta, duke shkeluar hapur Kushtetutën, po bllokon emërimin e Lleshit për të kërcënuar ndërkombëtarët me destabilizimin e vendit, me qëllim që SHBA dhe BE t’i japin garanci se nuk do të arrestohet nga Byroja Kombëtare e Hetimit.
E gjithë skema, e cila zbatohet me këshillat e Sali Berishës, do të dështojë në mënyrë spektakolare. Së pari, Ilir Meta, duke përdhosur Kushtetutën, mund të arrestohet nga drejtësia aktuale ende pa u ngritur Byroja e Hetimit. Sy dyti, Sandër Lleshi do ta drejtojë Ministrinë e Brendshme si zëvendësministër i parë i komanduar. Së treti, Rama pritet të miratojë me urgjencë një ligj për disiplinimin e Metës, duke e detyruar që të zbatojë Kushtetutën në rastet e tjera./Pamfleti
