Të ndodhur në një kohë kur ngërçi politik vijon duke mos pasur një marrëveshje mes palëve pozitë-opozitë në këtë prag zgjedhjesh, ish-deputeti Eduard Ndocaj shprehet se situata politike në vend është me të vërtet kritike dhe se Shqipëria është duke shkuar drejtë të ashtuquajturave diktatura moderne politike.
“Situata politike në vend është shumë kritike dhe kjo për faktin se Shqipëria është duke shkuar drejtë të ashtuquajturave diktatura moderne politike siç është Venezuela… Sepse opozita ka zgjedhur rrugën, nuk po them se jam kundër protestave por që po them që një opozitë serioze do ta kishte rrëzuar mbi 10 herë deri tani. Opozita ka zgjedhur rrugën sepse në Parlament nuk ka patur forcën e duhur për ta rrëzuar qeverinë.”-thotë,
Ish-deputeti Eduart Ndocaj ka akuzuar ashpër Monika Kryemadhin dhe presidentin Ilir Meta.
Duke iu referuar daljes së fundit në televizion të Monika Kryemadhit e cila pati një debat me një qytetare e më pas u betua se nuk kishte përfituar as 5 lekë nga shqiptarët, Ndocaj thotë se kjo është pafytyrësi.
“Dëgjova se Monika Kryemadhi ishte betuar se nuk kishte përvetësuar qoftë dhe një qindarkë që nuk i takonte, duke përmendur kokën e fëmijëve për besueshmëri. Ky është një paradoks shumë i madh, pasi ajo normal që nuk ka marrë qindarka, madje as i ka parë më sy pasi këtu janë vjedhur para me thasë, por dhe thesari i shtetit”,tha Ndocaj në Fax News.
