Ish-deputeti i PD Myslim Murrizi e cilësoi si gjyq politik hetimin nga ana e SPAK të ish-ministrit Arben Ahmetaj.
Murrizi u shpreh se është kundër arrestimit të personave publik që hetohen për afera të ndryshme, derisa të provohet se janë fajtorë.
Arrestimet e këtyre personave që nuk kanë rrezikshmëri publike, sipas tij, bëhen vetëm për show.
“Jam kundër kodit të procedurës penale bolshevike, që bëjnë show me të pandehurit, i dënuar quhesh kur dënimi merr formë të prerë.
I pandehur nuk ka pse shkohet për show mediatik, të një gjuetie shtrigash të grupeve mes njëri-tjetrin direkt te masa e fundit për persona që nuk kanë rrezikshmëri, për persona që nuk mund të prishin provat, direkt te arresti me burg.
Për të gjithë, nëse janë persona që ushtrojnë një funksion publik, si Bllako, Dako, bllokoi pasaportën, i fundit është arresti me burg. Këtu arrestohen për show, për të kënaqur vegjëlinë me gjyqe publike, këtu ta bëjnë gjyqin gazetarët në studio edhe pa qenë njëri i fajshëm”, tha Murrizi.
