Prej vitesh tashmë këshilltare në Konsullatën shqiptare në Londër, ajo gjithmonë tregon dashurinë dhe mallin që ndjen për vendin e saj. Bëhet fjalë për Pranvera Skanën, ish-gruan e Henri Çilit, e cila ditën e sotme na ka habitur të gjithëve me një status ku shkruante tre arsyet se përse Tirana ishte më superiore se Londra.
POSTIMI I PLOTË:
TRE ARSYE PSE TIRANA ËSHTË MË E MREKULLUESHME SE LONDRA ?
Sot më në fund, nuk impresionohem nga asnjë kryeqytet i botës përpara Tiranës, sot ndihem krenare vertetë për të, së paku për tre arsye:
Së pari, Tirana të bën kureshtare: Në fakt pas dy vitesh larg unë nuk e njoha më këtë qytet. Zhvillimi i menjehershem, gjatë këtyre viteve të fundit më ka nxitur kureshtjen nga cepi në cep. Çfarë është berë këtu dhe çfarë është bërë atje, ua sa ndryshe, ua sa bukur, janë ekspresione që po i habisnin edhe dy miqtë e mi të cilëve u kisha premtuar prezantimin e qytetit. Londra nuk të pajis me pritshmëri të reja larg atyre që kam lexuar nga librat që në fëmijëri po ato detaje turistike gjen dhe sot … pasi ti e di paraprakisht se çfarë pret të shohësh prej saj
Së dyti, Tirana të buzëqesh! Të jep ndjesinë e një qyteti fringo të ri. Edhe pse unë preferoj ndërtesat klasike, Londra është nazemadhe, e rënde, gri. Tirana është e hareshme, pra e gëzueshme dhe lozonjare në këtë aspekt.
Së treti, Lidershipit të Tiranës i është dashur që këtë qytet ta zhvendosë nga një gjëndje në një stacion tjetër zhvillimi. Sigurisht që kryetari të bashkisë së Londrës nuk i është dashur që të përballet me sfida të ngjashme me të kryetarit tonë. Por pa pikë dyshimi Lali Eri do ishte po aq i suksesshëm në menaxhimin e Londrës, POR do isha kureshtare të shihja se si do ishte Sadiq Khan në krye të qytetit të Tiranës nëse do ia dilte po kaq mbare. :).
Në fakt, u desh ta cekja që në krye të herës, kënaqësinë e jashtëzakonshme që ndjeva kur shoferi u taksisë së Uber-it rastësisht më tregoi se kish planifikuar për të vizituar Shqipërinë këtë Verë, apo një grup studentësh të rinjt ishin ftuar nga miku i tyre shqiptar për të vizituar Jalën, të cilët ishin aq mirë të informuar deri në detaj, sa mua mu desh vetëm të shtoja se: ‘Po po, në Shqipëri bëhen pushimet me pak e sak’ …
