Aktivizimi me Kombëtaren pati një ndikim të madhe teksa disa legjionarë, si Hysaj i cili nuk u grumbullua nga trajneri C.Ancelotti në sfidën kundër Sampdorias. Etrit Berisha u largua nga Kombëtarja i dëmtuar me shpresën se do të rikuperonte në kohë për sfidën kundër Lazios. Gardiani kuqezi zbriti në fushë si titullarë në derbin përballë Strakoshës, në fund festa ishte për të dhe për Spal që siguruan një fitore me përmbysje. Në përfundim të sfidës, Berisha ishte një nga lojtarët më të vlerësuar:
“Mban me këmbë në tokë ekipin. Deçiziv, mbi të gjitha në pjesën e parë ndaj Luis Albertos. Reagime të rëndësishme edhe në disa raste të tjera, nota 6,5 për Berishën”. Për Strakoshën kjo nuk është një periudhë pozitive teksa brenda një harku kohorë shumë të shkurtër, me Kombëtaren dhe Lazion ka pësuar 8 gola:
“Nuk ka shumë faj dhe përgjegjësi në golat e pësuar por nuk i transmeton as qetësi repartin mbrojtës, nota 5,5 për Strakoshën”, shkruajnë mediat italiane. Titullarë dhe 90 minuta në fushë për Atalantën ishte dhe Berat Gjimshiti. Qendërmbrojtësi kuqezi për pak i rrezikoi fitoren ekipin bergamask teksa shkaktoi një 11-metërsh në minutën e 91-të, kjo jo për faj të tij por VAR nuk funksionoi në ato momente:
“Shumë mirë në pjesën e parë ku përdor fizikun dhe lexon mirë lojën duke mbajtur larg sulmuesit e Grifones. Ndonjë gabim më shumë në pjesën e dytë, nota 6 për Gjimshitin”. Surpriza më e madhe e kësaj jave në Serie A ishte Marash Kumbulla.
19-vjeçari kuqezi zhvilloi një ndeshej shumë të mirë përballë Milanit, lojtari më i vlerësuar për Veronën: “Anulon Piatek, aspak keq për një futbollist i ditëlindjes 2000, nota 7 për Kumbullën”. /BalkanWeb
