Partitë e qendrës së majtë kanë fituar më së shumti vota në zgjedhjet e përgjithshme të Danimarkës.
Ky proces është parë si votë besimi ndaj kryeministres, Mette Frederiksen.
Blloku i saj ka fituar 90 ulëset e nevojshme për të formuar Qeverinë.
Mirëpo synimi i saj ka qenë për formimin e një koalicioni të gjerë qeveritar, ndaj ka dorëzuar dorëheqjen te mbretëresha.
Frederiksen është detyruar të shpallë zgjedhje të parakohshme në fillim të muajit tetor.
Pakënaqësitë janë rritur pas një raporti, në të cilin Qeveria është kritikuar si ka menaxhuar disa kafshë në fermë në kohën e pandemisë së koronavirusit.
Sipas gjetjeve të raportit, vendimi i Qeverisë për të vrarë 17 milionë vizonë më 2020, nuk ka pasur bazë ligjore..
Pas procesit zgjedhor, të gjitha partitë do të duhet të vizitojnë mbretëreshën për të vendosur se kush do të udhëheqë bisedimet për koalicion.
Frederiksen ka thënë të mërkurën se nëse sërish i besohet procesi i negociatave ajo do të tentojë të formojë qeveri me bazë të gjerë./REL
