Gazetari i Zenit, ish roja i portës së PD-së Çlirim Peka, që nga jurist i papunë u bë gazetar me këshillën e xhaxha Maxhunit ish ambasador i Hoxhës nëpër botë, tashmë përpos gazetarisë ka nisur të eksperimentojë edhe në histori duke u shndërruar në një hulumtues të denjë për “selinë blu”.
Talentin e tij të veçantë Peka e ka dëshmuar teksa analizon çështjet e brendshme politike të Gjermanisë, konkretisht për kancelarin Gerhard Shreder.
Përmes një postimi në Facebook, “historiani i i madh” merr përsipër të konstatojë se Shreder ka qenë kancelari më qesharak i Gjermanisë.
Ai thotë se gjermanët i dhanë vetëm një mandat, ku pasi e provuan, sipas tij i kanë dhënë duart për ta rrëzuar nga pushteti.
Mbase, Çlirimi ka munguar orëve të historisë që i ka shpjeguar mësuesja në Has, dhe dikush duhet t’i kujtojë se kancelari në fjalë ka fituar 4 herë rrjesht proceset zgjedhore.
“Aksidentet politike jan te njohura edhe ne Perendim. Ja nje shembull. Kancelari me qesharak i Gjermanise, mundi dhe largoi nga politika Kancelarin dhe shtetarin me brilant te Gjermanise se pas luftes, Helmut Kohl. Vetem se gjermanet e provuan nje mandat dhe i dhane duart. Jo si ne….”, shkruan “historiani i madh” për shtetarin gjerman që është konsideruar si “Kancelari i Luftës së Kosovës” ku shpëtoi edhe Kukësin nga bombardimet serbe.
Shreder është votëbesuar katër herë nga populli gjerman dhe herën e fundit e ndau pushtetin me Angela Merkel-in duke ja lënë asaj drejtimin e qeverisë në koalicionin e madh që u krijua.
Fill pas kësaj ai u largua me vullnetin e tij nga politika dhe askush nuk i dha duart.
Mbase dikush duhet t’i dhurojë gazetarit të madh një libër historie ku të lëxojë se më 11 shkurt të vitit 1999 kancelari në fjalë vizitoi Shqipërinë. Ai qëndroi për rreth tre orë në Tiranë, për t’u drejtuar më pas në Kukës ku ishin përqëndruar emigrantët kosovarë për shkak të luftës.
Gjithësesi, meqënëse është “historian” i ri dhe me prespektivë në këtë fushë, gabimet e para i falen.
