Në qytetin e Vlorës nëpër lokalet apo hotelet e Vlorës shikon të huaj që punojnë. Ester është nga Brazili dhe ka vendosur të vijë në Shqipëri për të punuar.
Që prej moshës 16 vjeçe ajo thotë e siguron vetë jetesën, ndërsa paralelisht vijon me realizimin e mbrojtjes së tezes së diplomës. Studion për gazetari dhe “komunikimi në marketing”.
Ester: Vij nga Brazili dhe jam 22 vjeç . Po diplomohem për “gazetari”. Ardhja në Shqipëri ishte një udhëtim i gjatë dhe kurrë nuk kisha dëgjuar për Shqipërinë më parë. Doja të bëja karantinën jashtë Brazilit dhe rastësisht u njoha me Shqipërinë në internet,dhe rashë në dashuri me vendin tuaj. Moti, njerëzit, natyra… çdo gjë mu duk e mrekullueshme. Vendosa të kërkoj punë nëpër hoteleritë e qytetit tuaj dhe dërgoja “cv” kudo.
Më në fund gjeta punë në një hotel të Vlorës. Ndjej kënaqësi në punën që bëj dhe nuk ndjej vështirësi as me turistin shqiptar kur i orientoj menunë/barin/dhomat e hotelit etj etj, pasi shikoj që shqiptarët komunikojnë mjaft mirë shumë gjuhë.
Para Shqipërisë ajo thotë se ka punuar edhe në vendet të tjera të botës, por kjo eksperiencë është e ndryshme.
Ester: Eksperienca ime në SHBA, Meksikë, Brazil është tërësisht ndryshe nga kjo në Shqipëri. Varfëria që kam parë në ato vende është shumë në ekstrem midis shtresave ndërsa në Shqipëri nuk ka të tille skaje. Mendoj se do të qëndroj në Shqipëri gjatë.
Ndërkohe stafi i hotelit e shikon si eksperiencë që një e huaj punon me ta dhe thonë se duan të përcjellin te të rinjtë shqiptarë kulturën e shërbimit dhe të punës.
Top Channel
